අමෙරිකානු ජනාධිපතිවරණ ප්‍රචාරණ සමයේ දී ඩොනල්ඩ් ට්‍රම්ප් ඝාතන කුමන්ත්‍රණ සිද්ධියක් සම්බන්ධයෙන් ඉරාන ජාතිකයෙකුට අමෙරිකානු අධිකරණ දෙපාර්තමේන්තුව විසින් අධිචෝදනා ගොනු කර තිබේ.
ට්‍රම්ප් ඝාතන උත්සාහය සඳහා “සැලැස්මක් සැපයීම” යන චෝදනාව යටතේ 51 හැවිරිදි ෆර්හාඩ් ෂකේරි නමැති සැකකරුට අධිචෝදනා ගොනු කර ඇති බව වාර්තා වේ.
ඔහු ඉරානයේ සිටින බවට විශ්වාස කරන බවයි අමෙරිකානු රජය නිවේදනය කරන්නේ.
පසුගිය ජූලි මාසයේදී පෙන්සිල්වේනියාවේ රැලියක් අතරතුර තුවක්කුකරුවෙකු විසින් ඩොනල්ඩ් ට්‍රම්ප් ඝාතනය කිරීමට උත්සාහ කළ අතර සැප්තැම්බර් මාසයේදී ද ෆ්ලෝරීඩා ප්‍රාන්තයේ ගොල්ෆ් ක්‍රීඩා කරමින් සිටියදී ඩොනල්ඩ් ට්‍රම්ප්ට වෙඩි තැබීමට උත්සාහ කර තිබූ සැකකරුවෙකු අත්අඩංගුවට ගෙන තිබුණි.
පෙන්සිල්වේනියාවේ රැලියක් අතරතුර සිදු කළ වෙඩි තැබීමෙන් ට්‍රම්ප් ගේ දකුණු කනේ "ඉහළ කොටස" පසාරු කරගෙන ගොස් තිබුණි.
English
