බංග්ලාදේශය යළි ඇවිලෙයි

ඊසානදිග සිල්හෙට් නගරයේ බලධාරියකු BBC පුවත් සේවයට  පැවසුවේ විරෝධතාකරුවන් පොලිසියට පහර දුන් බැවින් බදාදා දින (31) කඳුළු ගෑස් ප්‍රහාර එල්ල කිරීමට සිදුවුණු බවයි.

ඩකා අගනුවර සහ අනෙකුත් නගරවල ද ගැටුම් හටගෙන ඇත.

ජූලි මාසයේ ඇති වූ ප්‍රචණ්ඩ ක්‍රියාවලින් පුද්ගලයන් 200කට වැඩි පිරිසක් මිය ගොස් ඇති අතර, වැඩි මරණ ප්‍රමාණයක් වාර්තා වී ඇත්තේ පොලිස් වෙඩි තැබීම් හේතුවෙනි. 10,000 කට ආසන්න පිරිසක් අත්අඩංගුවට ගෙන ඇති බව වාර්තා වේ.

පොලිසිය කැරලි මර්දන ආම්පන්න සහ බැටන් පොලුවලින් විරෝධතාකරුවන්ට පහර දෙන ආකාරය, උද්ඝෝෂණ අවහිර කිරීම සහ විරෝධතාකරුවන් රැගෙන යන ආකාරය දැක්වෙන ඡායාරූප මාධ්‍ය වෙත නිකුත් වී ඇති අතර විරෝධතාකරුවන් ගෙන් බොහෝ දෙනෙක් කාන්තාවන් බව වාර්තා වේ.