සමාජ වග­කීම ඉටු කළේ නම් ඩෙංගු හා ජල­භී­තිකා මරණ වළක්වා ගන්න තිබුණා

ශ්‍රී ලංකා සුර­තල් සත්ත්ව පශු වෛද්‍ය­ව­රුන්ගේ සංග­මය (ACAPSL) විසින් සංවි­ධා­නය කළ, කොළඹ බණ්ඩා­ර­නා­යක අනු­ස්ම­රණ ජාත්‍ය­න්තර සම්ම­න්ත්‍ර­ණ­ශාලා පරි­ශ්‍ර­යේදී පැවැත්වුණු, මෙරට විශා­ල­තම සුර­තල් සත්ත්ව ප්‍රද­ර්ශ­නය වන ‘පෙට් එක්ස්පෝ ශ්‍රී ලංකා 2026‘ (Pet Expo Sri Lanka 2026) ප්‍රද­ර්ශ­නයේ දෙවැනි දින සමා­ර­ම්භක උත්ස­වය අම­ත­මින් අමා­ත්‍ය­ව­රයා මේ බව කීය.

“ජල­භී­තිකා ප්‍රති­කාර හා වැළැ­ක්වීම් සඳහා රජ­යක් හැටි­යට දැවැන්ත මුද­ලක් යොද­ව­නවා‍. ඒ වගේ ම ජන­ජී­වි­තය බිඳ­වැ­ටෙන අවස්ථා අපි දැක තිබෙ­නවා‍. ශ්‍රී ලංකාව තුළ ජල­භී­තිකා මරණ 20ක් මේ වන විට වාර්තාවී ඇතැයි දැන­ගැ­නී­මට ලැබුණා. පුත්ත­ලම දිස්ත්‍රි­ක්ක­යෙන් පම­ණක් මරණ 04ක් වාර්තා වෙනවා. මේකත් අර ඩෙංගු රෝගය වගේම තමා. අපි සමා­ජ­යක් හැටි­යට අපේ සමාජ වග­කීම් හරි­යට ඉටු කළා නම්, ඩෙංගු මරණ වගේම ජල­භී­තිකා මර­ණත් වළක්වා ගැනී­මට තිබුණු මරණ.

දැන් අපට නව මාන­ය­කට පිය­වර තැබීමේ අව­ස්ථාව එළ­ඹිලා තියෙ­නවා. ජල­භී­ති­කාව මුළු­ම­නින්ම තුරන් කිරීමේ අභි­යෝ­ගය, ප්‍රජා­වක් හැටි­යට ඒක දේශ­පා­ලන අධි­කා­රිය වෙන්න පුළු­වන්, වෛද්‍ය­වරු වෙන්න පුළු­වන්, මේ ක්ෂේත්‍රයේ ඉන්න වෙනත් වෘත්ති­ක­යන් වෙන්න පුළු­වන්. අපි දැක්කා ගොඩක් නව නිපැ­යුම්, අලුත් ගම­න­කට අවශ්‍ය කරන ප්‍රවේ­ශ­යන් හදලා තියෙ­නවා. මේ සියල්ල එකතු කර­ගෙන ජල­භී­ති­කාව තුරන් කිරීමේ දැවැන්ත මෙහෙ­යු­මක්, අභි­යෝ­ග­යක් ඔබ අප ඉදි­රියේ තියෙ­නවා.”