English
ට්රම්ප්ට එරෙහිව ඇමරිකා එක්සත් ජනපදය පුරා "නෝ කිංග්ස්" විරෝධතා
ඇමරිකා එක්සත් ජනපදය පුරා නගරවල ට්රම්ප් පරිපාලනයට එරෙහිව විශාල විරෝධතා සංවිධානය කර තිබේ.ඒ මීට පෙර මිලියන ගණනක් ජනකායක් ආකර්ෂණය කර ගත් නෝ කිංග්ස් රැලිවල තුන්වන ආගමනය සනිටුහන් කරමින්.
ෆේස්බුක්, එක්ස් සහ යූ ටියුබ් ඇතුළු සමාජ මාධ්ය වේදිකා කිහිපයක් තහනම් කිරීමේ තීරණයට එරෙහිව කත්මණ්ඩු හි පාර්ලිමේන්තු ගොඩනැගිල්ල අසල රැස්වූ "Gen Z" ලෙස හඳුන්වා ගත් විරෝධතාකරුවන් මෙලෙස විරෝධතාවයේ නිරත වී තිබේ.
විරෝධතාකරුවන් පාර්ලිමේන්තු පරිශ්රයට කඩාවැදීමට උත්සහ කිරීමත් සමඟ ඔවුන් විසුරුවා හැරීමට නේපාල පොලීසිය කඳුළු ගෑස් සහ රබර් උණ්ඩ ප්රහාර එල්ල කර ඇත.
නේපාලයේ සන්නිවේදන අමාත්ය ප්රිතිවි සුබා මාධ්ය වෙත ප්රකාශ කළේ පොලිසියට බලය යෙදවීමට සිදු වූ බව යි - ඊට ජල ප්රහාරක, බැටන් පොලු සහ රබර් උණ්ඩ ප්රහාර ඇතුළත් විය.
ව්යාජ ප්රවෘත්ති, වෛරී ප්රකාශ සහ මාර්ගගත වංචා මැඩපැවැත්වීම සඳහා සමාජ මාධ්ය වේදිකා නියාමනය කළ යුතු බව රජය පවසා තිබේ.
නියමිත කාල සීමාව තුල දී නේපාලයේ සන්නිවේදන හා තොරතුරු තාක්ෂණ අමාත්යාංශයේ ලියාපදිංචි වීමට වග බලා නොගැනීම නිසා සමාජ මාධ්ය වේදිකා 26 ක් අවහිර කිරීමට පසුගිය සතියේ එරට බලධාරීන් නියෝග කළේය.
පරිශීලකයන්ට ඉකුත් සිකුරාදා පටන් මෙම වේදිකාවලට ප්රවේශ වීමට අපහසු වී තිබූ නමුත් සමහරු තහනම මඟ හැරීමට VPN භාවිතා කරති. තහනමෙන් පසු අමාත්යාංශයේ ලියාපදිංචි වූ සමාජ මාධ්ය වේදිකා දෙකක් නැවත සක්රිය කිරීමට ද නේපාල රජය කටයුතු කර තිබුණි.
නේපාල රජය පවසන්නේ එය හුදෙක් සමාජ මාධ්ය තහනමක් නොවන බවත්, සමාජ මාධ්ය වේදිකා නේපාල නීතියට අනුකූලව ගෙන ඒමට දරන උත්සාහයක් බවත් ය.
