English
මියන්මාර භූ කම්පනයෙන් මියගිය ගණන 1600 ඉක්මවයි
මියන්මාරයේ සිදුවූ භූ කම්පනයෙන් මිය ගිය සංඛ්යාව 1,644ක් දක්වා ඉහළ ගොස් තිබේ.
ඉරානයේ උත්තරීතර නායක අයතුල්ලා අලි කමේනි විසින් හමාස් නායකයා වෙනුවෙන් යාඥා මෙහෙයවිය. ඉස්මයිල් හනියේගේ දේහය පිළිබඳ අවසන් කටයුතු කටාර්හි සිදු කිරීමට නියමිතය.
ඉරාන භූමියේ සිදුවූ ඝාතනයට වගකිව යුතු බව පැවසෙන ඊශ්‍රායලයට එරෙහිව සෘජු ප්‍රහාර එල්ල කිරීමට උත්තරීතර නායකයා නියෝග කර ඇතැයි ඉරාන බලධාරීන් උපුටා දක්වමින් එක්සත් ජනපද මාධ්‍ය වාර්තා කර ඇත.
මෙම ඝාතනය සම්බන්ධයෙන් ඊශ්‍රායලය ඍජුව අදහස් දක්වා නොමැත.
තවත් හමාස් ප්‍රධානියෙක් මරා දැමේ
හමාස් හමුදා ප්‍රධානී මොහොමඩ් ඩීෆ්, පසුගිය මාසයේ ගාසා තිරයට එල්ල කළ ගුවන් ප්‍රහාරයකින් මිය ගිය බව ඊශ්‍රායල හමුදාව පවසයි.
ජුලි 13 වෙනිදා ඛාන් යුනිස් ප්‍රදේශයට එල්ල කළ ප්‍රහාරයකින් ඩීෆ් මියයන්නට ඇති බව පැවසේ. කෙසේ වෙතත්, හමාස් සංවිධානය තවමත් ඔහුගේ මරණය තහවුරු කර නොමැත.
මොහොමඩ් ඩීෆ් යනු, පුද්ගලයන් 1200ක් මිය ගොස් 251ක් ප්‍රාණ ඇපයට ගත් දකුණු ඊශ්‍රායලයට එල්ලවූ ඔක්තෝම්බර් 7 ප්‍රහාරය සැලසුම් කිරීමට වගකිව යුතු එක් පුද්ගලයෙක් බවයි ඊශ්‍රායලය පවසන්නේ.
