සාම්ප්රදායික ලෝක සිතියම වෙනුවට අප්රිකානු මහාද්වීපයේ සැබෑ විශාලත්වය වඩාත් නිවැරදිව නිරූපණය කරන සිතියමක් භාවිත කිරීමට එක්සත් ජාතීන්ගේ මහා මණ්ඩලය ඡන්දය දී තිබේ.
ටෝගෝ රාජ්යය විසින් ඉදිරිපත් කර අප්රිකානු සංගමයේ සාමාජික රටවල සහාය ලැබූ “Correct the Map” යෝජනාවට රටවල් 164ක සහාය හිමිව ඇත. ප්රංශය සහ බ්රිතාන්යයද ඊට සහාය දුන් අතර, ඇමරිකාව පමණක් යෝජනාවට විරුද්ධව ඡන්දය දී තිබේ. රටවල් හයක් ඡන්දය දීමෙන් වැළකී ඇත.
මෙම එක්සත් ජාතීන්ගේ ඡන්ද විමසීම නීත්යානුකූලව බැඳී නොසිටියද, ලොව පුරා ආයතන භාවිත කරන සිතියම්වල වෙනස්කම් සිදු කිරීමට එය මඟ පෙන්වනු ඇත.
16 වැනි සියවසේ සිට බහුලව භාවිත වන Mercator සිතියම් ක්රමය සම්බන්ධයෙන් දිගු කලක් තිස්සේ විවේචන එල්ල වී තිබේ. එම සිතියමේදී අප්රිකාව ග්රීන්ලන්තයට සමාන ප්රමාණයකින් පෙනෙන නමුත්, සැබෑවටම අප්රිකාව ග්රීන්ලන්තයට වඩා 14 ගුණයකින් විශාලය.
විවේචකයන් පෙන්වා දෙන්නේ මෙවැනි සිතියම් නිරූපණ හේතුවෙන් සමකයට ආසන්න රටවල සංවර්ධන අවශ්යතා සහ ආර්ථික හැකියාවන් අවතක්සේරු වීමට ඉඩ ඇති බවයි.
සිංහල
