බෝර්දෝ ආසන්නයේ පුද්ගලයන් 60,000කට ආසන්න සංඛ්යාවක් ඉවත් කිරීමට ප්රංශ බලධාරීන් නියෝග කර ඇති අතර, ඒ අනුව, ප්රංශයේ සහ ස්පාඤ්ඤයේ ලැව්ගිනිවලින් පලා යන ලෙස දැනුම් දී ඇති මුළු සංඛ්යාව 220,000 කට වඩා අධික ය.
නිරිතදිග ප්රංශයේ ගිරොන්ඩ් සහ ලැන්ඩස් ප්රදේශවල පුද්ගලයන් 200,000 ක් පමණ ඉවත් කර ඇත. ලැව්ගිනිවලට ප්රතිචාර දැක්වීමට සහාය වීම සඳහා ප්රංශ ජනාධිපති එමානුවෙල් මැක්රොන් හමුදාව බලමුලු ගන්වා ඇත.
මේ අතර, ස්පාඥ්ඥ මැඩ්රිඩ් අගනුවරට බටහිරින් ඇති වූ ලැව්ගිනි තුනක් තනි ගින්නකට ඒකාබද්ධ වීමෙන් පසුව එම ගින්න ගිනි නිවන භටයින්ට පාලනය කිරීමට "හැකියාවෙන් ඔබ්බට" ගොස් ඇති බව ස්පාඤ්ඤ නිලධාරීන් අනතුරු අඟවා තිබේ.
ස්පාඤ්ඤ රජය ජාතික හදිසි අවස්ථාවක් ප්රකාශයට පත් කර ඇති අතර, පුද්ගලයින් 25,000 කට ඉවත් වන ලෙස දැනුම් දී, 40,000 කට ආසන්න සංඛ්යාවක් ගෘහස්ථව රැඳී සිටින ලෙස දැනුම් දී ඇත.
මැඩ්රිඩ්හි කලාපීය සභාපති ඉසබෙල් ඩියාස් අයුසෝ එය විස්තර කළේ "කලාපයේ ඉතිහාසයේ දරුණුතම ගින්න" ලෙසයි, එම ප්රදේශය අධික උෂ්ණත්වය, නොනවතින සුළඟ සහ නැගී එන ගින්න ඒකාබද්ධ කරමින් "පරිපූර්ණ කුණාටුවකට" මුහුණ දෙමින් සිටී.
සිංහල
