චීන හමුදාව තායිවාන දූපත වටා යුද අභ්‍යාසයක

යුද සූදානමක් වශයෙන් අද (29) ආරම්භ වූ එම මුර සංචාර සඳහා චීන නාවික හා ගුවන් හමුදා බලකායන් යොදවා ගන්නා බව චීන මහජන විමුක්ති හමුදාවේ නැගෙනහිර යුද කලාප සේනාංකයේ ප්‍රකාශක Shi Yi ප්‍රකාශ කර ඇත.

තායිවානය සඳහා ඩොලර් බිලියන 11ක දැවැන්ත අවි ආයුධ පැකේජයක් ලබාදෙන බවට අමෙරිකාව විසින් නිවේදනය කර දින කිහිපයකට පසුව චීනය මෙම යුද අභ්‍යාසය සිදුකිරීම විශේෂත්වයකි.

යුද අභ්‍යාස , තායිවාන කටයුතුවලට මැදිහත්ව සිටින බාහිර බලවේගයන්ට එරෙහි දැඩි අනතුරු ඇඟවීමක් බවත් , එය චීනයේ ස්වාධිපත්‍යය හා එක්සත්භාවය ආරක්ෂා කිරීම සඳහා ගන්නා නීත්‍යානුකූල ක්‍රියාමාර්ගයක් බවත්, චීන මහජන විමුක්ති හමුදාවේ නැගෙනහිර යුද කලාප සේනාංකයේ ප්‍රකාශක වැඩිදුරටත් සඳහන් කර ඇත.

මේ අතර චීනය විසින් සිය මුහුදු ප්‍රදේශයේ සිදුකරන යුද අභ්‍යාසය තායිවාන රජය හෙළා දැක ඇති අතර එය ජාත්‍යන්තර සම්මුතීන්ට පටහැනි බව ඔවුන් සඳහන් කර ඇත.