බංග්ලාදේශ ආණ්ඩු විරෝධී උද්ඝෝෂණවලින් 70කට වැඩියෙන් මරුට

අගමැතිනි ෂෙයික් හසීනා ඉල්ලා අස්විය යුතු බවට බල කරමින් ශිෂ්‍ය නායකයින් විරෝධතා ව්‍යාපාරයක් ප්‍රකාශයට පත් කිරීම නිසා නොසන්සුන්තාව උඝ්‍ර අතට හැරී ඇත.

සිරජ්ගන්ජ් දිස්ත්‍රික්කයේ පොලිස් ස්ථානයකට දහස් ගණන් ජනයා එල්ල කළ ප්‍රහාරයකින් පොලිස් නිලධාරීන් 13 දෙනෙකු මිය ගොස් ඇති බව පොලිසිය පවසයි.

තත්ත්වය පාලනය කිරීම සඳහා සවස 6 සිට නැවත දැනුම්දෙන තුරු රට පුරා ඇඳිරි නීතිය පැනවීමට බලධාරීන් කටයුතු කර තිබේ.

පසුගිය මාසයේ රාජ්‍ය අංශයේ රැකියා සඳහා කෝටාව අහෝසි කරන ලෙස ඉල්ලා ශිෂ්‍ය විරෝධතාව ආරම්භ වූ නමුත් මේ වන විට එය පුළුල් ආණ්ඩු විරෝධී ව්‍යාපාරයක් බවට පරිවර්තනය වී  ඇත.