ඇඟේ ගාගන්නේ නැතිව පියවරෙන් පියවර සුද්ධ කරනවා - අනුර

"ගැහැනු බලය එක මිටකට හෙට වෙනුවෙන්" මැයෙන් කොළඹදී අද (25) පැවති ජාතික ජන බලවේගය සංවිධාන කළ කාන්තා රැලිය අමතමින් ඔහු මේ බව පැවසීය.

එහිදි ඔහු වැඩිදුරටත් අදහස් දක්වමින් පැවසුවේ පියවරෙන් පියවර ආර්ථිකය පොහොසත් කිරීම සඳහා කටයුතු කරන බවත් එතෙක් ආර්ථික අපහසුතා තිබෙන පීඩිත පවුල් සඳහා රුපියල් 10,000ක සහ 15,000 බැගින් මුදල් මාසිකව ලබාදෙන බවත්ය.  

ජනාධිපති ධුර අපේක්ෂක අනුර කුමාර දිසානායක,

"ආරම්භයේ සිටම ඇඟේ ගාගන්නේ නැතිව පියවරෙන් පියවර සුද්ධ කරනවා. මේක පටන් ගන්නේ කොතනින්ද. නීතියේ ආධිපත්‍යයට යටත් රටක් ජාතික ජන බලවේගය ආණ්ඩුව නිර්මාණය කරනවා. ජාතික ජන බලවේගය ආණ්ඩුව හැම දෙනාම නීතිය ඉදිරියේ සමානයි කියන වැකියට පණ දෙනවා."