සිංහල
වනස්පති ජාතික වැඩසටහන : වනාන්තර 20ක් රක්ෂිත ලෙස ගැසට් වෙයි
"වනස්පති'' ජාතික වැඩසටහනට සමගාමිව තවත් වනාන්තර 20ක් හෙට (26) රක්ෂිත ලෙස ගැසට් කරන බව පරිසර අමාත්යාංශය පවසයි.
‘කිසිවෙක් අධ්යාපනයෙන් මගහැරීමට ඉඩ නොදීම’ යන සංකල්පය පෙරදැරි කර ගනිමින් ජනාධිපති අරමුදල, විදේශ කටයුතු, විදේශ රැකියා සහ සංචාරක අමාත්යාංශය සහ විදේශ සේවා නියුක්ති කාර්යාංශය ඒකාබද්ධව මෙම වැඩසටහන ක්රියාත්මක කිරීමට නියමිත බවයි රජයේ නිල පුවත් වෙබ් අඩවිය වාර්තා කරන්නේ.
ජනාධිපති අරමුදලේ සේවා ව්යාප්ත කිරීම පිළිබඳ විදේශ කටයුතු, විදේශ රැකියා සහ සංචාරක අමාත්ය විජිත හේරත්, ජනාධිපති ජ්යෙෂ්ඨ අතිරේක ලේකම්, ජනාධිපති අරමුදලේ ලේකම් රෝෂන් ගමගේ යන අයගේ ප්රධානත්වයෙන් පසුගියදා ජනාධිපති කාර්යාලයේ පැවති සාකච්ඡාවකදී මේ බව සඳහන් කෙරිණි.
විදේශයන්හිදී ආපදාවලට ලක් වන විදෙස්ගත ශ්රමිකයන්ගේ මෙරට සිටින දරුවන්ගේ අධ්යාපනය අඛණ්ඩව පවත්වාගෙන යාම සහ සුරක්ෂිත කිරීම මෙම වැඩසටහනේ අරමුණයි. ‘අදාළ පුද්ගලයා ශ්රී ලාංකිකයෙක් වීම’ යන නිර්ණායකය පමණක් එහිදී සැලකිල්ලට ගැනෙන අතර අදාළ ශිෂ්යත්ව ප්රදානය පිළිබඳ උපදෙස් සංග්රහය ඉදිරියේදී නිකුත් කිරීමට නියමිතය.
ජනාධිපති අරමුදල මේ වන විටත්, වන අලි ප්රහාරවලට ලක්ව මිය ගිය අයගේ දරුවන් වෙනුවෙන්ද මෙවැනි ආකාරයේ ශිෂ්යත්ව වැඩසටහනක් හඳුන්වා දී තිබෙන අතර ඉදිරියේදී විවිධ ක්ෂේත්ර කරා එය පුළුල් කිරීමට අපේක්ෂා කරයි.
