පිලිපීනයේ මින්දනාවෝ දූපත් ආසන්නයේ හටගත් රික්ටර් මාපක 7.8ක ප්රබලත්වයකින් යුත් භූ කම්පනයක් නිසා අවම වශයෙන් පුද්ගලයෙක් මියගොස් තිබේ.
භූ කම්පනයෙන් ගොඩනැගිලි කඩා වැටී ඇති අතර, කලාපය පුරා සුනාමි අනතුරු ඇඟවීම් ද නිකුත් විය.
පිලිපීනයේ සහ ඉන්දුනීසියාවේ බලධාරීන්, මින්දනාවෝ දූපතේ සාරංගානි පළාතේ සිට කිලෝමීටර් 24 ක් පමණ බටහිරට වන්නට භූමිකම්පාව ඇති වූ පසු, බලපෑමට ලක් වූ වෙරළබඩ ප්රදේශවල පදිංචිකරුවන්ට වහාම උස් බිම්වලට යන ලෙස ඉල්ලා සිටි බව එක්සත් ජනපද භූ විද්යා සමීක්ෂණ ආයතනය පැවසීය.
භූමිකම්පාව හේතුවෙන් දකුණේ වාණිජ මධ්යස්ථානයක් ද වන 700,000 කට අධික පිරිසක් සිටින ජෙනරල් සැන්ටොස් හි අවම වශයෙන් එක් ගොඩනැගිල්ලක් කඩා වැටී තිබේ.
"මේ වන විට, එක් මරණයක් වාර්තා වී ඇති අතර හතර දෙනෙකු තුවාල ලබා ඇත. මෙය මූලික වාර්තාවක් පමණි," ජෙනරල් සැන්ටොස් නගර පොලිසියේ ප්රධාන සැරයන් රොබට් ඩැගන් පැවසීය.
සිංහල
