බංග්ලාදේශයේ විරෝධතා උත්සන්න වෙයි : අන්තර්ජාල සබඳතා අත්හිටුවයි

ප්‍රචණ්ඩ ක්‍රියා උත්සන්න වීම හේතුවෙන් රටේ බොහෝ ප්‍රදේශවල ජංගම අන්තර්ජාල සබඳතා අත්හිටුවීමට ද බලධාරීන් කටයුතු කර තිබේ.

විරෝධතා නිසා මේ වනවිට 6 දෙනකු මියගොස් සිය ගණන් තුවාල ලබා ඇති බව එරට මාධ්‍ය වාර්තා කරයි.

1971 පාකිස්ථානයෙන් බංග්ලාදේශය නිදහස් කර ගැනීමට සටන් වැදුණු විරුවන්ට 30%ක ප්‍රමාණයක් රාජ්‍ය අංශයේ රැකියා වෙන්කිරීමේ කෝටාව අහෝසි කරන ලෙස ඉල්ලා රැකියා විරහිත සිසුන් ආරම්භ කළ විරෝධතා දින ගණනක් පුරා පැවැත්වේ.

විරෝධතා නිසා බංග්ලාදේශය පුරා පාසල් සහ විශ්වවිද්‍යාල නැවත දැනුම් දෙනතුරු වසා දමා ඇත.