යුක්තිය ඉටු කිරීම අවහිර කිරීම සහ ඩොලර් 300,000ක ට අධික වටිනාකමකින් යුත් ත්‍යාග භාණ්ඩ අනීතිකව ලබා ගැනීම සම්බන්ධයෙන් වරදකරු වූ, සිංගප්පූරුවේ හිටපු අමාත්‍ය එස්. ඊශ්වරන්ට මාස 12ක සිරදඬුවමක් නියම වී තිබේ.
ඉන්දීය සම්භවයක් සහිත ඊශ්වරන් වසර 13 ක් තිස්සේ සිංගප්පූරු කැබිනට් අමාත්‍යවරයකු ලෙස කටයුතු කර ඇත.
ඔහුට අමාත්‍ය ධුරය අහිමිවූයේ ද මෙම චෝදනා මුල්කොට ගනිමිනි.
ඔහුට එරෙහිව අල්ලස් දූෂණ චා්දනා රැසක් එල්ල වී ඇති අතර, මාස 12 ක සිරදඬුවම් නියම වූයේ එක් නඩු විභාගයක් සම්බන්ධයෙනි.
විත්තියේ නීතිඥයින් විසින් මාස 7ක ට නොවැඩි සිර දඬුවමක් ඉල්ලා සිටියද, අධිකරණය එය ප්‍රතික්ෂේප කළේ හිටපු අමාත්‍යවරයා විසින් සිදු කර ඇති වරදේ ස්වභාවය සහ එමගින් මහජන විශ්වාසය පලුදු කිරීමේ බරපතල විෂමාචාරය කිසිසේත් සුළු කොට තැකිය නොහැකි බව ප්‍රකාශ කරමිනි.
සිංහල
