English
‘රටම එකට’ ජාතික මෙහෙයුම : මේ දක්වා සැකකරුවන් 288,841 දෙනෙ‌කු අත්අඩංගුවට
දිවයින පුරා ක්‍රියාත්මක ‘රටම එකට’ ජාතික මෙහෙයුම මගින් මේ දක්වා සැකකරුවන් 288,841 දෙනෙ‌කු අත්අඩංගුවට ගෙන ඇති බව පොලිස් මාධ්‍ය කොට්ඨාසය පවසයි.
සිද්ධියට අදාළව පොලිස් විශේෂ කාර්ය බලකායේ සහ බන්ධනාගාර දෙපාර්තමේන්තුවේ නිලධාරීන් 30 දෙනෙකුගේ පමණ ප්‍රකාශ සටහන් කර ගැනීමට කොළඹ අපරාධ කොට්ඨාසය පසුගියදා කටයුතු කර තිබුණා.
ඒ අනුව ඊට අදාල විමර්ශන සිදු කිරීම සදහා ඔවුන්ගේ ජංගම දුරකතන එම කොට්ඨාසයට ගෙන තිබෙනවා.
ඝාතන සිද්ධියට අදාළව බන්ධනාගාර නිලධාරින් 15 දෙනෙකුගෙන් ප්‍රකාශ සටහන් කරගෙන ඇති බව බන්ධනාගාර මාධ්‍ය ප්‍රකාශක බන්ධනාගාර කොමසාරි ගාමිණි බී දිසානායක මහතා ප්‍රකාශ කළා.
මේ අතර, ගනේමුල්ල සංජීව ඝාතන සිද්ධියට අදාළව අත්අඩංගුවට ගත් මීගමුව පොලිස් ස්ථානයේ පොලිස් කොස්තාපල්වරයා මෙම ඝාතන සැලසුම සම්බන්ධයෙන් පෙර සිටම දැනුවත්ව සිටි බවට විමර්ශනවලින් අනාවරණය වී තිබෙනවා.
ඔහු දැනට අතුරුදන්ව සිටින සැලසුමේ මහ මොළකරු ලෙස හැදින්වෙන ඉෂාරා සෙව්වන්දි නැමැති කාන්තාව සමඟ සම්බන්ධතා පවත්වා තිබීම හේතුවෙන් මීට පෙර අත්අඩංගුවට ගෙන තිබුණා.
කෙසේවෙතත් සිද්ධියට අදාළව පොලිසිය විසින් අත්අඩංගුවට ගැනීම සදහා සොයන ඉෂාරා සෙව්වන්දි නැමැති කාන්තාව අත්අඩංගුවට ගැනීමට තවමත් හැකියාව ලැබී නැහැ.
එමෙන්ම, මෙම කාන්තාව දැනට කෙහෙල්බද්දර පද්මේ සමග ඩුබායි හි රැදී සිටින ශාන් අරෝෂ හෙවත් ”මතුගම ශාන්” ගේ අනුදැනුම මත ඔහුගේ ගෝලයන්ගේ ආරක්ෂාව යටතේ රැදී සිටින බවට විමර්ශන සිදුකරන පොලිස් කණ්ඩායම් වෙත තොරතුරු ලැබී තිබෙනවා.
ඒ අනුව පසුගිය දින කිහිපය තුළ මතුගම ප්‍රදේශයේ මතුගම ශාන්ට අයත් සහ සැකකටයුතු වෙනත් ලැගුම්හල් ඇතුලු ස්ථාන පරීක්ෂාවට ලක්කර තිබුණා.
news19.lk
