මනූෂ සහ හරීන්ගේ පුටුවලට ඊළඟට යන්නේ කවුද? තීන්දුව හෙට

පාර්ලිමේන්තු මහලේකම් කුෂානී රෝහණධීර සඳහන් කළේ, ඔවුන්ගේ මන්ත්‍රී ධුර සම්බන්ධයෙන් වන තීන්දුව මෙතෙක් ලැබී නොමැති බවයි.

ඒ අනුව හෙට එම අධිකරණ තීන්දුව ලබාගෙන, මැතිවරණ කොමිසම දැනුවත් කරන බව, ඇය සඳහන් කළේ  ය.

මනූෂ නානායක්කාර හා හරීන් ප්‍රනාන්දු, පක්ෂ සාමාජිකත්වයෙන් ඉවත් කිරීමට සමගි ජන බලවේගය ගත් තීරණය, නීත්‍යානුකූල නිවැරදි තීරණයක් බව ශ්‍රේෂ්ඨාධිකරණය තීන්දු කළේ, පසුගිය 9 වැනිදායි.

ඒ, පක්ෂ තීරණය බල රහිත කරන්නැයි ඉල්ලා ගොනුකළ පෙත්සම් නිශ්ප්‍රභ කරමිනි.

මනූෂ නානායක්කාර ගේ මන්ත්‍රී ධුරයට, මනාප ලැයිස්තුව අනුව, බන්දුලාල් බණ්ඩාරිගොඩ පත් කිරීමට නියමිතයි.

හරීන් ප්‍රනාන්දු ගෙන් පුරප්පාඩු වූ ජාතික ලැයිස්තු මන්ත්‍රී ධුරයට සුදුස්සෙකු මෙතෙක් නම්කර නොමැත.

newsfirst.lk