බීජිං හි අද (3) පැවති හමුවෙන් පසු රුසියානු ජනපති ව්ලැඩිමීර් පුටින් උතුරු කොරියානු නායක කිම් ජොන් උන්ට රුසියාවේ සංචාරයක් සඳහා ආරාධනා කර ඇති බව විදෙස් මාධ්‍ය වාර්තා කරයි.
ටාස් මාධ්‍ය ආයතනය උපුටා දක්වමින් BBC පුවත් සේවය වාර්තා කරන්නේ රුසියානු සහ උතුරු කොරියානු නායකයන්ගේ හමුව පැය 2කට වැඩි කාලයක් තිස්සේ පැවැත්වුණු බවයි.
රුසියානු පාර්ශවයට සහය දක්වමින් යුක්රේනයේ සටන් වැද සිටින සිටින උතුරු කොරියානු හමුදා භටයන් වෙනුවෙන් ජනපති පුටින් එහිදී උතුරු කොරියානු නායකයාට සිය ස්තුතිය පුද කර තිබේ.
ජපන් ආක්‍රමණයට එරෙහි චීන මහජන යුද්ධය සහ ලෝක ෆැසිස්ට් විරෝධී යුද්ධය ජයගැනීමේ 80 වන සංවත්සරය සඳහා වන අනුස්මරණ උත්සවය අද(03) චීනයේ බීජිං අගනුවර ටියැන්ඇන්මෙන් චතුරශ්‍රයේදී පැවැත්වුණු අතර ඊට එක්වුණු දෙරටේ නායකයන් ගේ හමුව ද ඒ අතරවාරයේ දී පැවැත්වුණි.
උතුරු කොරියානු නායකයා ලෝක නායකයන් සහභාගී වන අන්තර්ජාතික මට්ටමේ හමුවකට එක් වූ පළමු අවස්ථාව මෙය වේ.
English
