ට්‍රම්ප් සංක්‍රාන්ති ලිංගික කතුන්ට කාන්තා ක්‍රීඩා තහනම් කරයි

ඊට අදාළ විධායක නියෝගය ඊයේ (05) අත්සන් තැබුණි.

වහාම බල පැවැත්වෙන මෙම විධායක නියෝගයෙන් මගපෙන්වීම්, රෙගුලාසි සහ නීතිමය අර්ථකථන සපයන අතර, එය ඊට අනුකූල නොවන යැයි අනුමාන කෙරන උසස් පාසල් සම්බන්ධයෙන් විමර්ශනය කිරීමට අධ්‍යාපන දෙපාර්තමේන්තුවට බලය ලබාදෙනු ඇත.

එමගින් ක්‍රීඩාවට සාධාරණත්වය සපයන බව රිපබ්ලිකන් පාක්ෂිකයින් පවසන නමුත් LGBT ප්‍රජාව වෙනුවෙන් පෙනී සිටින සහ මානව හිමිකම් සංවිධාන චෝදනා කරන්නේ එමගින් LGBT ප්‍රජාවට වෙනස් කොට සැලකීමක් සිදුවන බව යි.

ඇමෙරිකාවේ 47 වන ජනාධිපතිවරයා ලෙස දිවුරුම් දීමෙන් අනතුරුව, LGBTQ ප්‍රජාව මෙන්ම සංක්‍රමණික ජනතාව ගේ  අයිතිවාසිකම් අමු අමුවේ උල්ලංඝනය කෙරෙන ප්‍රතිපත්ති ඇතුළු විධායක ක්‍රියාමාර්ග - ඇමෙරිකානු කොංග්‍රස් මණ්ඩල අනුමැතියකින් තොරව ෆෙඩරල් රජයට ජනාධිපතිවරයා විසින් මෙම ලිඛිත නියෝග නිකුත් කරයි- 200කට වැඩි සංඛ්‍යාවකට ඩොනල්ඩ් ට්‍රම්ප් ජනාධිපතිවරයා ඉකුත් ජනවාරියේ අත්සන් තැබීය.