English
පොලිස් නිලධාරීන්ට අහිමි වී තිබූ උසස්වීම් ගැන සුබ ආරංචියක්
වසර පහකට අධික කාලයක් පුරාවට පොලිස් නිලධාරීන්ට අහිමි වී තිබූ උසස්වීම් කඩිනමින් ලබා දීමට වත්මන් රජය පියවර ගෙන ඇති බව මහජන ආරක්ෂක හා පාර්ලිමේන්තු කටයුතු අමාත්ය ආනන්ද විජේපාල ප්රකාශ කරයි.
ඒ අනුව මෙරට දේශපාලන ඉතිහාසය ද වෙනස් වන බවයි හලාවත ප්රදේශයේ පැවති ජන හමුවකට එක්වෙමින් ඔහු කියා සිටියේ.
"ඒ ගොල්ලෝ හිතුවා තවත් දශක ගණනාවක් එකිනෙකා පිට කහගනිමින් එකිනෙකා ආරක්ෂා කරගනිමින් මේ ගමන යන්න පුළුවන් වෙයි කියලා. හැබැයි මොකද වුණේ... අන්න ඒ සනීපෙන් මේ ගමන යන්න පුළුවන් කියලා කල්පනා කරපු ගුවන් තොටිල්ල හෙල්ලෙන්න පටන් අරන් තියෙනවා. ඒ ගොල්ලෝ නොහිතපු දෙයක් ඒ ගොල්ලෝ හිතුවේ නැහැ නව පොදු ජනයාගේ දේශපාලන ව්යාපාරයක් ගොඩ නැගිලා එය බලය ලබා ගැනීමට සමත් වෙයි කියලා, බලය ලබාගැනීමට හැකි ව්යාපාරයක් හැටියට වර්ධනය වෙයි කියලා ඒ ගොල්ලෝ හිතුවේ නැහැ. ඒ ගොල්ලෝ හැමදාම හිතුවා ඒ අත්තෙන් මේ අත්තට මේ අත්තෙන් ඒ අත්තට මාරු වේවි ඉන්න පුළුවන් වෙයි කියල. හැබැයි දැන් ඒ ගොල්ලෝ හිතපු මුළු දේශපාලනයම වෙනස් වෙලා තියෙනවා. අලුත් දේශපාලන ව්යාපාරයක්.... ජාතික ජන බලවේගය සැප්තැම්බර් මාසේ 21 වැනිදා සහතික වශයෙන් ජයග්රහණය කරනවා."
