ඇප තැම්පත් කිරීමේ අවසන් දින හෙට (14) - නාමයෝජනා අනිද්දා

ඊයේ (12) වනවිට ස්වාධීන අපේක්ෂකයින් ලෙස පුද්ගලයින් 15 දෙනෙකු, පිළිගත් දේශපාලන පක්ෂ පක්ෂ 16ක් සහ වෙනත් දේශපාලන පක්ෂයක් ජනාධිපතිවරණය සඳහා ඉදිරිපත් වීමට ඇප තැම්පත් කර ඇති අතර ඒ අනුව පුද්ගලයින් 32ක් ඇප මුදල් තැන්පත් කර ඇති බවයි මැතිවරණ කොමිෂන් සභාව නිවේදනය කරන්නේ.

එළඹෙන ජනාධිපතිවණය සඳහා ඉදිරිපත් වන බව ප්‍රකාශ කළ ද මෙතෙක් ඇප තැම්පත් නොකළ ප්‍රධාන පක්ෂ සහ සන්ධාන අතර ශ්‍රී ලංකා පොදුජන පෙරමුණ සහ සර්ව ජන බලය එකමුතුව වේ.

එළැඹෙන ජනාධිපතිවරණය සඳහා නාමයෝජනා භාරගැනීම අනිද්දා (15) පෙරවරු 9ට ආරම්භ කිරීමට නියමිත අතර පෙරවරු 11 දක්වා එම කටයුතු ක්‍රියාත්මක කිරීමට සැලසුම් කර තිබේ.

නාමයෝජනා භාරගැනීමේ දිනයේ දී මැතිවරණ කාර්යාලය ආශ්‍රිතව විශේෂ ආරක්ෂක වැඩපිළිවෙළක් ක්‍රියාත්මක කිරීමට ද සැලසුම් කර ඇති බව පොලීසිය සඳහන් කළේය.