ශ්‍රී ලංකා කාන්තා ක්‍රිකට් කණ්ඩායමට එක්දින තරගාවලි ජයක්

මෙම ජයග්‍රහණයත් සමඟ ශ්‍රී ලංකා කාන්තා ජාතික ක්‍රිකට් කණ්ඩායම 2-1 ක් ලෙස තරගාවලිය ජයග්‍රහණය කළහ.

පළමුවෙන් පන්දුවට පහර දුන් බංග්ලාදේශය ඕවර 50 කදී කඩුලු 8ක් දැවී ලබාගත් ලකුණු සංඛ්‍යාව 213කි.

කැපී පෙනෙන දස්කම් දැක්වූ සෝභනා මොස්ටාරි ය පන්දු 80 කදී ලකුණු 74 ක් රැස් කළ අතර හතරේ පහර 8 ක් එල්ල කළා ය.

ශ්‍රී ලංකාව වෙනුවෙන් කවිෂා දිල්හාරි කඩුලු තුනක් දවා ගත් අතර නිමාෂා මීපගේ කඩුලු දෙකක් දවා ගත්තාය.

ලකුණු 214ක් හඹා යමින් හසිනි පෙරේරා සහ ඉමේෂා දුලානි දෙවන කඩුල්ල සඳහා ලකුණු 108ක විශිෂ්ට සබඳතාවක් පවත්වමින් තරගය පාලනය අතට ගත් හ.

දුලානි පන්දු 79කදී ලකුණු 56ක් ලබා ගනිමින් දැවී ගිය අතර  පෙරේරා ශතකයකට පෙනී පෙනී දැවී ගියේ පන්දු 131කදී හතරේ පහර 13ක් සමඟින් ලකුණු 95ක් ලබා ගනිමිනි.

අවසානයේ හර්ෂිතා සමරවික්‍රම නොදැවී ලකුණු 44ක් ලබා තම කණ්ඩායම ජයග්‍රහණය කරා පහසුවෙන් ගෙන ගියා ය.