English
ක්ෂුද්‍ර මූල්‍ය ණය හේතුවෙන් පීඩිත ජනතාවට සුබ ආරංචියක්
ක්ෂුද්‍ර මූල්‍ය ණය හේතුවෙන් පීඩාවට පත් ජනතාවට සහන සැලසීම සඳහා අනු කමිටුවක් පිහිටුවීමට ග්‍රාමීය සංවර්ධන, සමාජ ආරක්ෂණ හා ප්‍රජා සවිබල ගැන්වීම් අමාත්‍යංශීය උපදේශක කාරක සභාව විසින් තීරණය කර තිබේ.
මෙම ප්‍රජා කමිටු සම්බන්ධයෙන් විශේෂ චක්‍රලේඛයක් ජනාධිපතිවරයා විසින් පසුගිය අප්‍රේල් මස 29 වැනි දින නිකුත් කර තිබුණි.
ඉන් පළාත් ආණ්ඩුකාරවරුන්ට, පළාත් ප්‍රධාන ලේකම්වරුන්ට, දිස්ත්‍රික් ලේකම්වරුන්ට හා ප්‍රාදේශීය ලේකම්වරුන්ට උපදෙස් දී තිබුණේ සෑම පළාත් පාලන බල ප්‍රදේශයක් සඳහාම වසරක කාලසීමාවට යටත්ව ප්‍රජා උපදේශන කමිටු පත්කරන ලෙසයි.
