English
හිටපු ජනපති වරප්‍රසාද කප්පාදුව : පනත් කෙටුම්පත ගැසට් කරයි
හිටපු ජනාධිපතිවරුන්ට සහ ඔවුන්ගේ පවුල්වලට හිමිවන විශේෂ වරප්‍රසාද අහෝසි කිරීමට හැකි වන පරිදි "1986 අංක 4 දරන ජනාධිපතිවරයන්ගේ හිමිකම් පනත ඉවත් කිරීම පිණිස වූ පනත් කෙටුම්පත" ගැසට් කර තිබේ.
රටේ ජනතාව දේශපාලන ඩීල්වලට රැවටෙන්නේ නැති බැවින් දෙවැනි මනාප අවශ්‍ය නොවන බවත් පළමු වටයෙන්ම සමගි ජන බලවේගය ජයග්‍රහණය කර රනිල් අනුර මහා කුමන්ත්‍රණය පරාජය කරන බවත් විපක්ෂ නායකවරයා සඳහන් කළේ ඊයේ (9) මහනුවරදී පැවති ජන හමුවක දී ය.
රනිල්, අනුර එක්ක ඩීල් දාන්න පෙර පාස්පෝට් සහ වීසා පොළිම් නැති කරන්නැයි ඉල්ලීමක් කරන බවත් ඔහු පැවසීය.
රටේ ජනාධිපතිවරයා මැතිවරණයට ඉදිරිපත් වී ඇති නමුත් ඔහුට පාස්පෝට් හෝ වීසා ගැටලුව විසදන්න බැරි වී ඇති බවත් මේ අයට රටේ ප්‍රශ්න විසදන්න නොහැකි වී ඇති බවත් ඔහු සඳහන් කළේය.
ගැනුම්කරුවන්ට සැපයම්කරුවන්ට තාක්ෂණික සේවා සපයන අයට රටට ඒමට වීසා දෙන්න බැරි වී ඇති බව ඒකාබද්ධ ඇගලුම් සංගමය පවසන බවත් සංචාරක ක්ෂේත්‍රය පවා කඩා වැටෙමින් මෙය අප රටට දැඩිව බලපාන බවත් විපක්ෂ නායකවරයා පැවසීය.
අනුර සමග හොර ඩීල් නොගහ පාස්පෝට් සහ වීසා දෙන වැඩපිළිවෙළ සකස් කරන ලෙස ජනාධිපතිවරයාගෙන් ඉල්ලා සිටින බවත් මේ අය රටේ වගකීම බාර ගත්තොත් රටට ඇපත් නැති සජිත් ප්‍රේමදාස කීවේය.
