සිය මිතුරෙකු වන ශ්රී ලංකාවට ඕනෑම අවස්ථාවක උදව් කිරීමට ඉරානය සුදානම් බව ශ්රී ලංකාවේ ඉරාන තානාපති අලිරේසා ඩෙල්කෝෂ් (Alireza Delkhosh) පවසයි.
ශ්රී ලංකාව තෙල් හෝ වෙනත් ඕනෑම අත්යවශ්ය භාණ්ඩ ඉල්ලා සිටියහොත්, ඉරානය එම භාණ්ඩ ශ්රී ලංකාවට ලබාදීමට සුදානම් බවයි මෙරට ඉරාන තානාපති කාර්යාලයේ පැවැත්වෙන විශේෂ මාධ්ය හමුවකට එක්වෙමින් ඔහු වැඩිදුරටත් පවසා සිටියේ.
ඉකුත් දා අමෙරිකානු ටෝපිඩෝ ප්රහාරයකින් මුහුදුබත් වූ ඉරාන 'IRIS Dena' යුද නෞකාවේ සිටි පිරිස මුදාගැනීමට ශ්රී ලංකාව කටයුතු කළේ ඉරානය ඉල්ලීමක් සිදු කිරීමට පළමුව බවද පැවසු තානාපතිවරයා ශ්රී ලංකාව විසින් සිදුකළ එම උපකාරය ද මෙහිදී සිහිපත් කළේය.
මේ අතර ඉරානයේ සිටින ශ්රී ලාංකිකයින්ට මෙරටට පැමිණීමට අවශ්ය නම් ඒ සඳහා අවශ්ය පහසුකම් ලබාදීමට ඉරාන රජය සුදානම් බවද ඉරාන තානාපති අලිරේසා ඩෙල්කෝෂ් වැඩිදුරටත් පැවසීය.
English
