English
39ක් තෙරපී මියගිය සිද්ධියට විජයගේ පක්ෂයට එරෙහිව නඩු
දකුණු ඉන්දීය නළු විජේගේ දේශපාලන රැලියක දී ඇති වූ තෙරපීමකින් පුද්ගලයන් 39 දෙනෙකු මියගිය සිදුවීමෙන් පසු ඉන්දීය පොලිසිය ඔහුගේ දේශපාලන පක්ෂයේ නායකයන්ට එරෙහිව අපරාධ නඩුවක් ගොනු කර තිබේ.
ගාසා තීරයේ පාසලකට ඊශ්‍රායලය එල්ල කළ ප්‍රහාරයකින් 20 දෙනෙකු මිය ගොස් තිබෙනවා.
මෙලෙස මිය ගිය අය අතර කුඩා දරුවන් විශාල පිරිසක් සිටිනවා.
එක්සත් ජාතීන්ගේ සංවිධානය පවත්වාගෙන යන පාසලකට මෙම ප්‍රහාරය එල්ල වුණා.
මධ්‍යම ගාසා තීරයේ අවතැන් වූවන් සිය ගණනක් එම පාසලේ රැඳීසිට තිබෙනවා.
කෙසේ වෙතත් ඊශ්‍රායල හමුදාව පවසන්නේ තමන් හමාස් ඉලක්කයක් වෙත ප්‍රහාර එල්ල කල බවයි.
එහෙත් හමාස් සංවිධානය පවසන්නේ ඊශ්‍රායල යුද ගුවන් යානයක් නුසෙයිරාට් සරණාගත කඳවුරේ පිහිටි මෙම පාසලේ ඉහළ මහලේ පන්ති කාමර වෙත මිසයිල ප්‍රහාර දෙකක් එල්ල කළ බවයි.
මෙම ප්‍රහාර එල්ල වූයේ ඇමරිකාව, ඊජිප්තුව හා කටාර් රාජ්‍යයේ මැදිහත්වීමෙන් සටන් විරාමයක් පිළිබඳ සාකච්චා දෝහා සහ කයිරෝහි දී පැවැත්වෙන අතරතුරයි.
ඔක්තෝබර් 7 වනදා සිට ගාසා තිරයට එල්ල වන ප්‍රහාරවලින් පලස්තීන වැසියන් 36,580 ක් මිය ගොස් තිබෙනවා.
ඊශ්‍රායලයේ පුද්ගලයන් 1,200 ක් මියගොස් තිබෙනවා.
