එයාර් බස් ගණුදෙනුවේ සැකකරුවෙකු වූ කපිල චන්ද්‍රසේනගේ මියගිය සිරුර කොල්ලුපිටිය නිවසකින් හමුවෙයි

ඔහුව අත්අ­ඩං­ගු­වට ගෙන අධි­ක­ර­ණ­යට ඉදි­රි­පත් කර­න්නැයි කොළඹ ප්‍රධාන මහේ­ස්ත්‍රාත් අසංග එස්. බෝද­ර­ගම මහතා අල්ලස් කොමි­ස­මට ඊයේ (07) නියෝග කළේය. ඒ මුද­ලට ගත් ඇප­ක­රු­වන් දෙදෙ­නකු ඇප තැබීම සඳහා අධි­ක­ර­ණ­යට ඉදි­රි­පත් කර ඇප කොන්දේසි උල්ලං­ඝ­නය කළේ යැයි කියන චෝදනා මත ය.

එයාර් බස් ගනුදෙනුවෙන් අල්ලස් වශයෙන් ලැබුණු මුදල් සැකකාර කපිල චන්ද්‍රසේන විසින් හිටපු ජනාධිපති මහින්ද රාජපක්ෂට සහ හිටපු ගුවන් සේවා අමාත්‍ය පියංකර ජයරත්නට ලබා දී තිබෙන බව අනාවරණය වී ඇතැයි අල්ලස් කොමිසම පසුගිය මාර්තු 19 වැනිදා කොළඹ මහේස්ත්‍රාත් අධිකරණයට දැනුම් දී තිබුණි.

ඊට අමතරව අදාළ මුදල් ශ්‍රී ලංකන් ගුවන් සමාගමේ හිටපු අධ්‍යක්ෂ මණ්ඩල සාමාජිකයෙක් වන ශමින්ද්‍ර රාජපක්ෂගේ ගිණුමටත් යොමුවී ඇති බවට විමර්ශනවලදී කරුණු අනාවරණය වී ඇතැයි අල්ලස් කොමිසම සඳහන් කළේය.

ඒ අනුව 2015 වසරේ හිටපු ජනාධිපති මහින්ද රාජපක්ෂ කළ ඉල්ලීමකට අනුව රුපියල් මිලියන 20 බැගින් අවස්ථා තුනකදී රුපියල් මිලියන හැටක් බෙලිඅත්ත නිවසේ සහ කාල්ටන් නිවසේදී මහින්ද රාජපක්ෂට ලබාදුන් බවට සැකකරු විසින් ප්‍රකාශ කර ඇතැයි අල්ලස් කොමිසම අධිකරණයට දැනුම් දී තිබුණි.

කපිල චන්ද්‍රසේන මහතා ශ්‍රී ලංකන් ගුවන් සේවයේ ප්‍රධාන විධායක නිලධාරියා ලෙස 2015 මාර්තු 9 වන දින දක්වා කටයුතු කරන ලදී, එයට පෙර මිහින් ලංකා සමාගමේ හා මොබිටෙල් සමාගම් වල ප්‍රධාන විධායක නිලධාරියා ලෙස සහ ශ්‍රී ලංකා ටෙලිකොම් සමාගමේ ප්‍රධාන අලෙවිකරණ නිලධාරියා ලෙස කටයුතු කරන ලදී.

ඔහු කොළඹ රාජකීය විද්‍යාලයේ ආදී ශිෂ්‍යයෙක් වන අතර චිකාගෝ විශ්ව විද්‍යාලයේ ඉංජිනේරු උපාධියක් ලබා ඇති අතර මෙල්බෝන් විශ්ව විද්‍යාලයෙන් පශ්චාත් උපාධියක් හිමි කරගෙන ඇත.