සිංහල
ප්රදේශ කිහිපයකට මි.මී. 100ට වැඩි තද වැසි
නැගෙනහිර තරංගාකාර සුළං ප්රවාහයේ බලපෑම හේතුවෙන් දිවයිනේ උතුරු සහ නැගෙනහිර ප්රදේශවල දැනට පවතින වැසි තත්ත්වය ඉදිරි දින කිහිපයේදී තවදුරටත් බලාපොරොත්තු විය හැකි බව කාලගුණවිද්යා දෙපාර්තමේන්තුව පවසයි.
බැතිමතුන් වෙනුවෙන් පැවැත්වෙන සියලුම දන්සල් තමන්ට ආසන්න සෞඛ්ය වෛද්ය නිලධාරී කාර්යාලයේ ලියාපදිංචි කිරීමට පියවර ගන්නැයි මහජන සෞඛ්ය පරීක්ෂකවරුන්ගේ සංගමය ලේකම් සඳහන් කළේ ය.
දන්සැල් පැවැත්වෙන කාල සීමාවේදී මහජන සෞඛ්ය පරීක්ෂකවරුන් 3000ක් දන්සල්, ආහාර අලෙවිසල්, හෝටල්, ජංගම ආහාර අලවිසල් පරීක්ෂා කිරීමට ඒ අනුව යොදවනු ඇත.
දන්සැල් ලියාපදිංචි කර මහජන සෞඛ්ය පරීක්ෂකවරයා හමුවී උපදෙස් ලබාගන්නා ලෙසත් ආහාර, ජලය මගින් පැතිරී යන බෝවන රෝග වැළැක්වීම සඳහා දන්සල් පරිත්යාගශීලීන් සහ සෙසු ආහාර අලෙවි කරන්නන්ගේ සහයෝගය අත්යවශ්ය බවද ඔහු සඳහන් කළේ ය.
එමෙන්ම මේ පිළිබඳ වැඩිදුර තොරතුරු ළඟම තිබෙන මහජන සෞඛ්ය පරීක්ෂණ කාර්යාලවලින් ලබා හැකි බවද ඔහු වැඩිදුරටත් සඳහන් කළේ ය.
