සිංහල
මාර්ගයේ ගිලා බැසීමක් : බොරැල්ල දෙසට ගමනාගමනය සීමා වෙයි
බොරැල්ල පොලිස් වසමේ මොඩල්ෆාම් හන්දිය අසල සිට ඩී.එස් සේනානායක හන්දිය දක්වා වූ කොළඹ දෙසට ඇතුළුවන මාර්ගයේ ස්ථානයක ගිලා බැසීමක් හේතුවෙන් රථවාහන ගමනාගමනයට බාධා ඇතිව තිබේ.
මෙවර පැවැත්විමට නියමිත ශිෂ්‍යත්ව විභාගයට පෙනී සිටින අනුරාධපුර අධ්‍යාපන කලාපයේ පහ වසර සිසු දරු දැරියන් දෙදහසකට ආසන්න පිරිසකට මෙම ශිෂ්‍යත්ව පෙරහුරු ප්‍රශ්න පත්‍රයට පෙනී සිටියහ.
අනුරාධපුර අධ්‍යාපන කලාප කාර්යාලයෙන් සකස් කරන ලද මෙම ප්‍රශ්න පත්‍රය අදාල පාසල් විදුහල්පතිවරුන්ට ලබාදිමෙන් අනතුරුව විදුහල්පතිවරු විසින් තම පාසලේ පහ වසරේ අධ්‍යාපනය ලබන දරු දැරියන්ට එම ප්‍රශ්න පත්‍රය මුද්‍රණය කොට බේදා දි තිබේ.
ප්‍රශ්න පත්‍රය දරු දැරියන්ට බේදා දිමෙන් අනතුරුව ප්‍රශ්න පත්‍රය කියවු දරු දැරියන්ගේ නොසන්සුන් තත්වය හේතුවෙන් ගුරුවරු සිදුකළ සොයා බැලිමේදි එම ප්‍රශ්න පත්‍රයේ වැරදිමකින් අසභ්‍ය වදන්ද ඇතුලත්ව තිබු බවත් එම නිසා සිසුන් මෙසේ නොසන්සුන් වු බවත් අනාවරණය වු බව ගුරුවරු පැවසුහ.
විදුහල්පතිවරුන්ගේ දැණුම්දිම මත නැවත කලාප අධ්‍යාපන කාර්යාලය මගින් එම මුද්‍රණ දෝෂ නිවරැදි කර නැවත ප්‍රශ්න පත්‍රයක් පාසල් වෙත ලබාදිමට පියවර ගෙන තිබුණි.
මේ සම්බන්ධයෙන් පළාත් ප්‍රධාන අමාත්‍යාංශයේ මෙන්ම පළාත් අධ්‍යාපන අමාත්‍යාංශයේ ලේකම් කේ.එම්.එච්.එස්.කේ.ජයලත් ගෙන් සිදුකළ විමසුමේදි ඔහු කියා සිටියේ මේ සම්බන්ධයෙන් පරික්ෂණයක් පවත්වා ඉදිරි ක්‍රියාමාර්ගයක් ගන්නා බවයි.
(දයාරත්න ඇඹෝගම -lankadeepa.lk)
