English
ප්රදේශ කිහිපයකට මි.මී. 100ට වැඩි තද වැසි
නැගෙනහිර තරංගාකාර සුළං ප්රවාහයේ බලපෑම හේතුවෙන් දිවයිනේ උතුරු සහ නැගෙනහිර ප්රදේශවල දැනට පවතින වැසි තත්ත්වය ඉදිරි දින කිහිපයේදී තවදුරටත් බලාපොරොත්තු විය හැකි බව කාලගුණවිද්යා දෙපාර්තමේන්තුව පවසයි.
අධ්යාපන අනධ්යන සේවක සංගමයේ ලේකම් අජිත් කේ තිලකරත්න පැවසුවේ, ඉල්ලීම් කිහිපයක් මුල් කර ගනිමින් දිවයින පුරා පාසල්වල අනධ්යන කාර්ය මණ්ඩල සාමාජිකයින් අද සිට ලෙඩ නිවාඩු දැමීමමේ වෘත්තීය සමිති ක්රියාමාර්ගයක නිරත වන බවයි.
මේ අතර, වැඩ වර්ජනයේ නිරත විශ්ව විද්යාල අන්යධන සේවකයින් සහ රාජ්ය වැටුප් කමිටුව අතර සාකච්ඡාවක් හෙට පැවැත්වෙන බව විශ්ව විද්යාල අනධ්යන වෘත්තීය සමිති ඒකාබද්ධ කමිටුව පවසයි.
එහි සම සභාපති ධම්මික එස් ප්රියන්ත සඳහන් කළේ, එහිදී තම ගැටලු පිළිබඳව ධනාත්මක පිළිතුරක් අපේක්ෂා කරන බවයි.
විශ්වවිද්යාල අනධ්යන සේවකයින් ආරම්භ කළ අඛණ්ඩ සත්යග්රහයට අදට දින 55කි.
ඔවුන් මෙම සත්යග්රහය ආරම්භ කළේ, දින 55 ක් පුරා ක්රියාත්මක කරන වැඩ වර්ජනයෙන් සිය ගැටලුවලට විසදුම් නොලැබීම හේතුවෙන් ය.
සිය ගැටලුවලට විසදුම් නොලැබීම හමුවේ විශ්වවිද්යාල අනධ්යන සේවකයින් කොළඹදී විරෝධතා ව්යාපාරයක් ද සංවිධානය කර තිබේ.
මේ අතර,පාසල් සංවර්ධන නිලධාරින් කොළඹ කොටුව දුම්රිය ස්ථානය ඉදිරිපිට ආරම්භ කර ඇති සත්යග්රහයට අදට දින 15 කි.
මේ අතර, විදුහල්පති සේවා සංගමයේ ජාතික සංවිධායක සිසිර රාජපක්ෂ පැවසුවේ, සිය ගැටලුවලට විසදුම් නොලැබෙන්නේ නම්, අනිද්දා සිට වෘත්තීය සමිති ක්රියාමාර්ගයකට එළැඹීමට සූදානම් බවයි.
රජයේ විධායක නිලධාරීන්ගේ ඒකාබද්ධ කමිටුව හෙට හා අනිද්දා දෙදින අසනීප නිවාඩු වාර්තා කිරීමේ වෘත්තීය සමිති ක්රියාමාර්ගයකට එළැඹෙන බව එම කමිටුවේ විධායක සභික සම්පත් දේශප්රිය සඳහන් කළේ ය.
ශ්රී ලංකා පරිපාලන සේවා සංගමයේ සභාපති මහේෂ් ගම්මන්පිල පැවසුවේ, ඉල්ලීම් කිහිපයක් මුල් කර ගනිමින් හෙට හා අනිද්දා වෘත්තීය සමිති ක්රියාමාර්ගයකට එළැඹීමට තමන් සූදානම්ව සිටින බවයි.
මේ අතර, රජයේ මිනින්දෝරු සංගමයේ සභාපති දුමින්ද උදුගොඩ පැවසුවේ, සිය ඉල්ලීම් සම්බන්ධයෙන් විසඳුම් නොලැබීම හේතුවෙන් වෘත්තීය සමිති ක්රියාමාර්ගයද අඛණ්ඩව ක්රියාත්මක බවයි.
newsfirst.lk
