English
මෙරට ආපදා මරණ තවත් ඉහළට
දිවයිනට බලපෑ අයහපත් කාලගුණ තත්ත්වය හේතුවෙන් මියගිය පුද්ගලයින් සංඛ්යාව 643දෙනෙකු දක්වා ඉහළ ගොස් ඇති බව ආපදා කළමනාකරණ මධ්යස්ථානය පවසයි.
එම අනවසර සංක්රමණිකයින් පැමිණීම සම්බන්ධයෙන් බුද්ධි අංශ වාර්තා කර ඇති බව ද මහජන ආරක්ෂක අමාත්යවරයා කියා සිටියේ ය.
මුලතිව්, මුල්ලිවයික්කාල් වෙරළ තීරයට ඉකුත් දෙසැම්බර් 19 වන දා දරුවන් 45 දෙනෙක්, කාන්තාවන් 24 දෙනෙක් හා පිරිමි පුද්ගලයින් 46 දෙනෙක් ඇතුළු රෝහින්ග්යා සංක්රමණිකයින් 115 දෙනෙකු රැගත් බෝට්ටුවක් පැමිණ තිබිණි.
නාවික හමුදාව අදාළ බෝට්ටුව ත්රිකුණාමලය වෙත රැගෙන යාමෙන් පසු අධිකරණ නියෝග යටතේ පුද්ගලයින් 103 දෙනෙක් දෙසැම්බර් 23 වන දා මුලතිව් ගුවන් හමුදා කඳවුරේ රැඳවුම් මධ්යස්ථානය වෙත යොමු කෙරුණි.
"ඔවුන් මුදල් ගෙවලා තමයි මේ ජාවාරමට සම්බන්ධ වෙලා තියෙන්නේ. ඔවුන් එරට මුදලින් ලක්ෂ 500ක් පමණ ගෙවලා තියෙනවා. ඊට අමතරව මේ ගමනාගමනය සඳහා ඒ රටේ මුදලින් ලක්ෂ 800ක් පමණ සංවිධායකයින්ට ගෙවලා තියෙනවා. මේ සම්බන්ධයෙන් පොලිසියෙන් විමර්ශනයක් කරගෙන යනවා.
"ඔවුන් සරණාගතයින් ලෙස හඳුනාගන්නේ නම් ඒ අනුව කටයුතු කරන්න අපි බලාපොරොත්තු වෙනවා. ජාත්යන්තර නීතියට අනුව කටයුතු කරන්නත් අපි සූදානම්. මේ වෙනකොට ඔවුන්ට අවශ්ය පහසුකම් කෑමබීම ආගමන විගමන දෙපාර්තමේන්තුව හරහා අපි දීලා තියෙනවා."
"දැනට පොලීසිය පවත්වාගෙන යන විමර්ශන අනුව සහ බුද්ධි අංශ වාර්තා කරලා තියෙන කරුණු අනුව මෙවැනි අනවසර සංක්රමණිකයින් ලක්ෂයක් ඉදිරි දිනවලදී ශ්රී ලංකාවට පැමිණීමට නියමිතව තිබෙනවා. ඒ අපේ රටේ සමාජ ප්රශ්නයක් ලෙස හඳුනාගන්නවා," යනුවෙන් අමාත්ය ආනන්ද විජේපාල ජනවාරි 8 වන දා පාර්ලිමේන්තුවේදී කියා සිටියේය.
